Инсентив патување во винскиот регион на Македонија

Винскиот регион на Македонија е колоритен пејзаж составен од лозја, блажени ридови и богато културно наследство. На овие ридови, вековната традиција и длабоката поврзаност со земјата создаваат некои од најдобрите и најквалитетни вина во земјата и пошироко. Од античките рушевини во Стоби, до воодушевувачките вински визби на бројни винарии, секоја станица раскажува дел од приказната на регионот – преку вкус, историја и атмосфера.

Привлечниот дух на виното се слави со разиграните „Вински олимписки игри“ и раскошни Дионизиски вечери, додека Дојран со своето природно езеро, мирната атмосфера и шармот својствен за малите езерски места нуди идеален контраст кој го комплетира искуството.

Карактеристики и услуги

За незаборавни искуства

ТРАЕЊЕ

2 ноќевања / 3 дена

ПОЧЕТОК И КРАЈ

Македонија – Аеродром Скопје

ПЕРИОД

Април – Ноември

ДЕН 1

· Потрага по богатство во археолошкиот локалитет Стоби
Истражете ги древните рушевини на Стоби – важен римски и ранохристијански град. Откријте прекрасно сочувани мозаици, базилики и театри кои нудат возбудлив поглед во историјата на регионот.

· Тура низ лозјата во винаријата Лазар
Уживајте во организирана прошетка низ лозјата, од прва рака запознајте се со процесот на производство на вино и дознајте повеќе за уникатниот локален тероар. Следува дегустација на врвни вина од нивната колекција.

· Ручек спарен со вино во винарија Лазар
Вкусете автентичен ручек составен од традиционални македонски и медитерански јадења, совршено спарени со избрани вина од винаријата.

· Дионизијска забава
Завршете го денот со Дионизијска забава посветена на култот кон виното и неговите благодети – празник за сетилата проследен со музика, танцување и незаборавна атмосфера исполнета со радост и уживање.

ДЕН 2

· Вински Олимписки Игри
Започнете го денот со забавни и натпреварувачки Вински Олимписки Игри! Тимовите ќе се соочат со вински предизвици како тркалање буриња, гмечење грозје, слепи дегустации и трки кои вклучуваат вински шишиња – совршен спој на смеа, тимска работа и славење на винската култура.

· Откријте ја Демир Капија
Истражете ја природната убавина на Демир Капија преку велосипедска тура низ живописни пејзажи и посета на уникатната Долина на кактусите – скриенто природно богатство кое фасцинира.

· Слепа дегустација на вино
Искусете дегустација на вино како никогаш претходно – без етикети, само вашите сетила кои треба да ве водат низ процесот. Научете да препознавате ароми, вкусови и текстури и издигнете го своето виноско познавање на едно ново ниво.

ДЕН 3

· Поаѓање

· Откријте го Дојран
Уживајте во опуштено истражување на Дојран – шармантно езерско гратче познато по својата богата историја, уникатните рибарски традиции и спокојната убавина на Дојранското Езеро. Прошетајте покрај кејот и впијте ја мирната атмосфера.

·Ручек покрај езеро
Завршете го денот со вкусен ручек покрај езерото, каде што ќе ги вкусите прочуените дојрански рибни специјалитети. Се служат свежо уловени и традиционално приготвени, во живописна глетка со автентични вкусови и совршен амбиент.